ខេត្តកណ្តាល៖ព្រឹកថ្ងៃទី២៩ ខែកក្កដា ឆ្នាំ២០២៤ ឯកឧត្តម គួច ចំរើន អភិបាល នៃគណៈអភិបាលខេត្តកណ្តាល រួមជាមួយមន្ទីរអង្គភាពពាក់ព័ន្ធ អាជ្ញាធរក្រុងតាខ្មៅ ស្រុកណ្តាលស្ទឹង និងស្រុកស្អាង បានអមដំណើរ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម ចុះពិនិត្យស្ថានភាពជំនន់ទឹកភ្លៀងដែលរងការគំរាមកំហែង និងជន់លិច ក្នុងភូមិសាស្ត្រប្រឡាយ៩៤ និងប្រឡាយ៩៦ ស្ថិតនៅឃុំកណ្តោក ស្រុកកណ្តាលស្ទឹង និងសង្កាត់កំពុងសំណាញ់ក្រុងតាខ្មៅ ព្រមទាំងចុះពិនិត្យការស្តារកាយបើកមុខរំដោះទឹក នៅក្នុងស្រុកស្អាង ដើម្បីបញ្ជៀសការជន់លិចក្នុងភូមិសាស្ត្រស្រុកកណ្តាលស្ទឹង និងក្រុងតាខ្មៅ ។